Supi-mi ikiortinngorit!
SUPI (Suleqat pisinnaasoq) suliniaqatigiiffiuvoq attaveqarfippassualik. Eqqarsartaatsikkut peqinnerunissamik aammalu suliffeqarfimmi toqqissisimanerunissamik Kalaallit Nunatsinni suliaqartuusoq.
SUPI-mi siunertarineqarpoq ataatsimoorfiusumik nukittunerulernissaq; suleqat kiserliunngitsoq. Tassanissaaq aamma ippoq ulluinnarni unamminarsinnaasunut suleqatigiit imminnut ikorfartoqatigiinnerat. SUPI naleqartitat, soorlu; tatiginninneq, akisussaaffeqarneq, ikorfartoqatigiinneq ataqqeqatigiinneq, tarnikkut timikkullu peqqissuunissarlu, aallaavigalugit suliaqartuuvoq. Taakkuupput suliffigisami avatangiisini pitsanngorsartuagassat. SUPI nunat tamalaat akornanni suleriutsit isumassarsiorfigalugit ingerlanneqarpoq, taakkunanilu tujorminnginnissaq aammalu suleqatigiit akornanni nukittoqatigiinnissap piorsarnissai suliniutigai. Tassanilu aamma MATES in Construction aqqutigalugu attavigisartakkat patajaallisarnissai, tamatumanimi tamassuminnga tunngaveqarneq sullivimmi eqqarsartaatsikkut nukittunerulernermik kinguneqartartoq uppernarsineqarnikuuvoq.,
SUPI-mi ikiortaasutut sullivigisanni avatangiisit pitsanngorsarnissaanut suleqataanissannut periarfissaqassaatit. Suleqatigiit atugarissaarnerulernissannut imminnut ikorfartornissaannullu aqqummi maligassiuisutut inisseratarsinnaavutit. Pikkorissarneqarnikkut sakkussannik ilisimasassannillu tuniorarneqassaatit. Pikkorissarneqarninni nanertisimasinnaanermut ersiutit assigiinngitsut qanoq takuneqarsinnaaneri ilinniassavatit, qanorlu suleqatigisat tujormisoq oqaloqatigisinnaanerlugu ilinniassavat. Taamatuttaaq aamma peqqinnerunissaq eqqarsaatigalugu oqaloqatigiittarnerup paquminarunnaarsarnissaanut sakkussannik tuniorarneqassaatit. Imaanngilaq tarnip pissusaanik immikkut ilisimasaqassutit, kisiannili suleqatinnut maluginninniarsinnaanissaq, qanilaassuseqarnissaq aammalu iliuseqarsinnaanissaq naammapput.
Suliffigisanni avatangiisinut, isumannaallisaanermut, sulisunut sinniisorisat ittorisalluunniit oqaloqatigikkit. Siunnersuutigalugulu paasisitsiniaanermut ilanngutissasut. Paasisitsiniaanerup qulequtaraa ”Tarnikkut peqqissutsip oqaloqatigiissutigineqarnera” Paasisitsiniaaneq uani inniminnerneqarsinnaavoq - kontakt@supi.gl
Paasisitsiniaaneq akunnerni pingasuni ingerlanneqassaq, illillu suliffinni ingerlanneqassalluni. Tassa imaappoq, suleqativit suliffippit avataanukarlutik ilisimaligassat pikkorissarfigissanngilaat, suliffigisassinnili avatangiiserisassinni tamanna ingerlanneqassaaq. Paasisitsiniaanermi suleqatigiit akornanni toqqissisimannginnermut/-tujorminermut ersiutaasinnaasut ilinniassavasi, taakkualu qanoq suliffimmi angerlarsimafimmilu sunniuteqarsinnaaneri aamma paasititsiniutigineqassapput. Taamatullumi aamma suleqammik oqaloqatiginninnissamik aggersaanissaq, taannaassaarlu suleqammut ajornartorsiortumut allannguiffiiulluarsinnaasoq.
Eqqarsartaatsikkut toqqissisimaneq imaaginnanngilaq eqqarsartaatsikkut peqqissutsimiittoq; kisiannili aamma sulisut pisinnaasaminnik atuilluarsinnaaneranniippoq, ulluinnarni piumasaqaatinut naammassinnissinnaaneranniilluni aammalu suleqatit allat suleqatigalugit ingerlalluarsinnaanermiilluni. Ilisimatuussutsikkut uppernarsarneqarnikuuvoq, toqqissisimaneq suugaluartorluunniit sulinermi naammassinnissinnaanermik pitsaassusaanillu qaffasissumiisitsilersartoq aammalu uippakajaarnermik, isumaqatigiinnginnernik napparsimanermillu nigalassimaartitsisarluni.
SUPI-p suliniutaanni peqataanikkut sulinikkut kulturissamik ilusilersueqataassaatit, kiserliorfiunngitsumi, suleqatigiit imminnut akaareqatigiiffianni, minnerunngitsumillu eqqarsartaatsikkut ilorrisimaarnermik pingaartitsiviusumi. Akisussaaffik ileqqorissaarnermik tunngaveqarpoq aammalu suliffeqarfimmik toqqissisimanermik naammassinniffiusumillu avatangiiseqarfiusumik pilersitsiviulluni.
